Core ’ngrato
Canzone napoletana
Salvatore Cardillo
Riccardo Cordiferro
Catarì, Catarì,
pecché me dici sti parole amare,
pecché me parle e ’o core me turmiente, Catarì?
Nun te scurdà ca t’aggio date ’o core,
Catarì, nun te scurdà!
Catarì, Catarì, che vene a dicere
Stu parlà ca me dà spaseme?
Tu nun ’nce pienze a stu dulore mio,
Tu nun ’nce pienze, tu nun te ne cure.
Core, core ’ngrato,
t’aie pigliato ’a vita mia,
tutt’è passato e nun ’nce pienze chiù!
Catarì, Catarì,
tu nun ’o saie ca ’nfin’ int’ a na chiesa
io so’ trasuto e aggio priato a Dio, Catarì.
E l’aggio ditto pure a ’o cunfessore:
“I’ sto a suffrì pe’ chella là!
Sto a suffrì, sto a suffrì,
nun se po’ credere,
sto a suffrì tutte li strazie!”
E ’o cunfessore,
ch’è persona santa, m’ha ditto:
“Figlio mio, lassala sta”.