Tu ca nun chiagne
Libero Bovio
1. Comm’è bella ’a muntagna stanotte
bella accussì nun l’aggio vista maie,
’N’anema pare rassignata e stanca
sott’a cuperta ’e chesta luna janca
Tu ca nun chiagne e chiagnere me faie
tu stanotte addò staie?
Voglio a te! Voglio a te!
Chist’uocchie te vonno
n’ata vota vedé
2. Comm’è calma a muntagna stanotte
cchiù calma’e mò nun l’aggio vista maie,
E tutto dorme, tutto dorme o more
e i sulo veglio pecché veglia ammore
Tu ca nun chiagne e chiagnere me faie
tu stanotte addò staie?
Voglio a te! Voglio a te!
Chist’uocchie te vonno
n’ata vota vedé